گاماج جبهه آزادی ملی آذربایجان جنوبی
صادق عیسی بی‌لی آمئریکانین سسینه موصاحیبه‌ده دئییر کی، ایران آذربایجانین‌دا میللی-مده‌نی موجادیله اوغرون‌دا حبس ائدیله‌ن تورک فعاللاری مدافعه ایشی میللی حرکاتین بیر پارچاسی و هر کس اوچون بیر وظیفه حساب ائدیلمه‌لی‌دیر.
صادق عیسی بی‌لی آمئریکانین سسینه موصاحیبه‌ده دئییر کی، ایران آذربایجانین‌دا میللی-مده‌نی موجادیله اوغرون‌دا حبس ائدیله‌ن تورک فعاللاری مدافعه ایشی میللی حرکاتین بیر پارچاسی و هر کس اوچون بیر وظیفه حساب ائدیلمه‌لی‌دیر.
عیسی بی‌لی سیاسی محبوسلاری مدافعه فعالیتینین میقیاسینین میللی حرکاتین گئنیش‌لیگی قدر اولمادیغینی ایفاده ائدیر.
اونون سؤزلرینه گؤره، «مثلاً ۳ ایل، ۵ ایل بون‌دان اوولکی دؤور ایله موقاییسه ائتسک، بیز گؤروروک کی، حبس اولونانلار ایله باغلی موته‌مادی اولاراق گون‌ده‌لیک بیلگیلر آلینیر، حاضرلانیر، کیم اولدوقلاری مویینلشدیریلیر، معلوماتلاری سیستئملشدیریلیر و بللی بئینلخالق اینسان حاقلاری تشکیلاتلارینا گؤندریلیر. چالیشیلیر کی، سوسیال مئدیادا و سایتلاردا گون‌ده‌مه گتیریل‌سین. بو ایشلر گؤرولور. اما یئترلی دئییل. حرکاتین چاپینا گؤره، حرکاتین میقیاسی و اجتماعی-سیاسی تأثیرینه گؤره یئترسیزدیر.»
سیاسی شرح‌چی علاوه ائدیر، «محبوسلارین مدافعه فعالیتلری داها گئنیش اولمالی‌دیر. داها چوخ گون‌ده‌مه گتیریلمه‌لی‌دیر. بیر نئچه دیل‌ده اولمالی‌دیر. و عمومیتله بونو میللی حرکاتیمیزین اؤنملی بیر پارچاسی ائتملیگیک. میللی-مده‌نی فعاللاریمیز، خصوصیله محبوسلارین حقوقلارینی برپا ائتمک مسئله‌سین‌ده هر کس ایشتیراک ائتمه‌لی‌دیر.»
عیسی بی‌لی دئییر کی، سیاسی محبوسلارین مدافعه فعالیتی ساده‌جه اینسان حاقلاری فعالاری ایله محدودلاشمامالی‌دیر:
«محبوسلاری مدافعه ائتمک هامی اوچون بیر وظیفه اولمالی‌دیر. سوسیال شبکه‌لرده قروپلار فورمالاشمالی‌دیر. شوکورلر اولسون کی، ایچری‌ده بعضی ایشلر گؤرورلر. اما بو کوتلوی(جمعی) حال آلمالی‌دیر.»
او، همچینین بو ایستیقامت‌ده معاریفله‌ن‌دیرمه‌نین اونمینه دیقت چکیر.
«مثلاً رئژیم چالیشیر کی، بیلگی وئریلمه‌سین، عائله‌لر اؤز اؤولادی حاقین‌دا بیلگی وئرمه‌سین. باسقی اولور کی، هئچ سسینی چیخارما. بعضی اینسانلار بیلگی گؤندریر، سونرا گئری چکیلیر دئییر کی، بیزه سؤز وئریبلر کی، بیز بونو ایکی گون‌دن سونرا بوراخاجاغیق. اونا گؤره لطفاً او بیلگینی پایلاشمایین. اما، او بیلمیر کی او وعدلر یالان‌دیر. بو اینسان معاریفلندیریلمه‌لی‌دیر. باشا دوشمه‌لی‌دیر کی، بو ساخ‌لانان فعالین آدی، سویادی(شهرتی)، وضعیتی بللی اولماسا، حاقین‌دا بیر شئیلر یازیلماسا اونون بوتون اینسانی حاقلاری پوزولار. چونکی بو رئژیمین ماهیتی بودور. بو رئژیم سیاسی اولاراق قاپالی و باسقی‌چی بیر رئژیم‌دیر» – دئیه، صادق عیسی بی‌لی علاوه ائدیر.
مصاحیبه نین لینکی: https://www.amerikaninsesi.org/a/sadiq-isabeyli/5639980.html?fbclid=IwAR3UhejJTP28r8ejk_fsoGXdLyQYzQBL57zz1NTeMIipK3dEf0TrQVYrcW8
